اخر الاخبار : « سارق فلوس أخوك المتوفى وسايب ولاده مرمين فى شقة إيجار » ... شقيق محمد على يفضحه على الهواء

0 تعليق 1 ألف ارسل لصديق نسخة للطباعة تبليغ

الموجز

تداول نشطاء على موقع التواصل الاجتماعى فيديو جديد لشقيق الفنان محمد على وقال شقيق محمد على ان صبره نفد على ما يقوم به شقيقه , ووجه له تساؤلات تؤكد أن الهارب سرق أموال أهله، ليس هذا فسحب بل وجه له سؤالا يتعلق بأموال شقيقهم المتوفى تاركا أبنائه يتامى ليقعوا فريسة لمحمد على.

وقال شقيق محمد على فى مقطع الفيديو، : أنا أخو محمد على.. أنا عملت الفيديوهات دى عشان الموضوع عدى حدوده.. دلوقتى أنا قاعد زيى زيكم لقيت فيديوهات عن محمد إنه مناضل، مناضل إيه يا محمد يا على، دانا أخوك،مناضل فين أنت كنت بتروح القرى والنجوع فى القرى، ولا بتناضل فى مارينا عند الفيلا

وتابع قائلا : أنا يا محمد أخوك مش واحد بيتكلم من بره العيلة، اللى أنت عامله فى أهلك وسايب فلوس أخوك المتوفى وسايب أولاده مرمين فى شقة إيجار جديد، أنت كده تبقى مناضل وبتبحث عن فلوس الناس الغلابة ,

لو أنت مناضل وتمام والفلوس تمام زالحياة تمام، فأنا بقولك اللى خلانى أعمل الفيديوهات إنك مبتردش علينا وفضحتنا، فاحنا هنفضح بعض بقا، هو النجم اللى عامل رجولة وابن بلد بيعمل بلوك لأهله،

وتخلى أبوك لسانه يدلدل عشان يوصلك وفى الآخر السكرتير هو اللى يكلمه يقوله الباشا مش فاضى، وأنا أخوك مش عارف أوصلك فمتعملش بقا شعبى وابن بلد ومناضل

واختتم قائلا : والدك هيتحبس بسببك، ووالدتك رفعت دعاوى قضائية ضدك بسبب فلوس الميراث، وواكل حق أخوك الميت، تبقى أنت كده بتعمل الصح وبتدافع عن فلوس الناس الغلابة والمقهورين.. فين أموال العيلة يا حرامى .

الخبر | اخر الاخبار : « سارق فلوس أخوك المتوفى وسايب ولاده مرمين فى شقة إيجار » ... شقيق محمد على يفضحه على الهواء - يمكنك مشاهدة مصدر الخبر الاصلي من الرابط التالي وهو : الموجز ويخلي موقع الوحدة عن مسؤوليته الكاملة عن محتوي اي خبر وانما تقع المسؤولية على الناشر الاصلي للخبر.

0 تعليق